Khang u SP ka Karbi Anglong District ban shna jaka ri khniang ryndia ha Madan Umwang

Rangbah shnong Madan Umwang.Shillong, Nailar 03: Ka jingpynibor jong ki pulit Assam, mynta ka la paw-pen-ryngkew ha ki khappud jong ka Meghalaya bad Karbi Anglong District ha ka thain Umwang jong ka Ri Bhoi District. Kane ka la jia ha ka 3 tarik mynta u bnai, ha kaba u SP jong ka South Karbi Anglong District, ryngkat bad ka byrngem byrsit, um shym la shah shuh ia u Rangbah Shnong jong ka Madan Umwang kaba hap hapoh ka Mawhati Constituency jong ka Ri Bhoi District bad kaba marsyndah bad ka Karba Anglong District.

U Rangbah Shnong jong ka Madan Umwang, u Bah Blikshon Mukhim hadien ba u la ioh ban pyntrei ia kawei ka Central Scheme lyngba ka Sericulture Department jong ka Sorkar Meghalaya, kaba haduh 1.5 lak tyng ban ri khniang ryndia, u la pynieng ia kane ka jaka ri khniang bad mynta u la jan dep artad. Hynrei, kynsan kynsan, u SP ka South Karbi Anglong u la wan noh ia kane ka jingtrei bad da byrngem ruh ba lada u shem ba u rangbah shnong, u u dang bteng  ia katei ka jingtrei jong u, un set byndi ia u.

U Bah Mukhim u la leit ud ia kane sha u D.C. jong ka Ri Bhoi District bad ki bor district ki la pyntip ia kane ka ki bor kiba dei khmih ha Secreteriat ryngkat bad ki dulir ujor FIR ryngkat bad kiwei ki jingujor. Hynrei, u rangbah shnong u la ong ba haduh mynta, ym shym la don kano kano ka jingleh eiei na ka liang jong ka Sorkar ban iarap ia u. Dei na kane ka daw ba u rangbah shnong um banse shuh ban pathia ia kane ka jingeh jong u sha ka Sorkar lyngba ki kot khubor bad lad pathai.

U Rangbah shnong u la sdang ia kane ka jingtrei namarba ka la don ka jingpynshai na ka liang jong ki bor District ba kan ym don kano kano ka jingeh na ka liang jong u, namarba ka don ka jingiasngewthuh jingmut hapdeng ka Sorkar Meghalaya bad Sorkar Assam ba kine ki artylli ki jyll, kin ym pynthud ha kitei ka jaka kiba ym pat lah ban iapynbeit ia u pud u sam. U rangbah shnong, u la kynnoh ba ki bor Sorkar jong ka Assam, kim ju pynthuh pynwit ia ki kam pynroi ba ai ka Sorkar Assam sha ki Nepalee kiba shong basah ha Madan Umwang.

What Next?

Recent Articles

Leave a Reply

Submit Comment
*