Khanglut ki bank ha Shillong ba iakhih ki nongtrei Bank ha ka Ri India mynta ka sngi

Shillong, Nohprah 26: Ki Bank baroh ha kane ka jylla Meghalaya khamtam ha kane ka nongbah Shillong mynta ka sngi kila khand lut namar ba ka don ka jingiakhih jong ki ban pyrshah ia ka jingthmu ban pynlong noh ia ki lai tylli ki bank ha ka Ri tang kawei.

Kine ki lai tylli ki bank ki long ka Bank jong ka Baroda, Dena Bank bad ka Vijaya Bank, ban pyrshah ia kane ka seng ki nongtrei ha ki Bank kaba la tip kum ka United Forum of Bank Union (UFBU) kala khot ia ka jingsangeh trei kam ha ka ri baroh kawei bad ia kane la kyrshan ruh da ka seng All India Bank Employees Association (AIBEA).

Ha kane ka nongbah Shillong mynta ka sngi baroh ki Bank kiba don ha kane ka nongbah kila khang naduh ki Nationalist Bank, ki Cooperative Bank bad kum juh ki bank jong ki riew shimet kila khang. Kane ka jingkhang ka long ban ai ka jingkyrshah kumba la khot ia ka jingiakhih ban sangeh trei kam ha ka Ri Baroh kawei.

 

What Next?

Recent Articles

Leave a Reply

Submit Comment

*