Khi kynsan ka eriong, julor bun tylli ki iing ha Shnongkalong bad Dirang ha SWKH District

Shnongkalong1Shillong, Jymmang 09: Mynta ka sngi ha ka por 11 baje ei ei mystep kala khi kynsan ka eriong ha ki bynta jong ka South West Khasi Hills District bad ha kane ka jingjia bun tylli ki iing hapoh ka Shnongkalong bad Dirang kiba hap hapoh jong ka Ranikor Block kila shah pynjulor.

Ka Deputy Commissioner jong ka South West Khasi Hills District haba kren ha u SP News Agency kala iathuh ba haduh mynta ym pat lah ban ong katno tylli ki iing kiba la shah pynjulor namar ki gram sabak ki dang leit ban jurip sha kito ki shnong kiba la shah ktah ha kane ka jingshah lynshop ha ka mariang.

Kiwei ki tyllong khubor ki iathuh ba kane ka jingwan kynsan jong ka eriong kala jia ha ka por mynstep ha kaba bun na ki briew kila leit trei leit ktah sha ki lyngkha risai jong. Katkum ki jingtip ba la lah ban ioh la ong ba kam shym don kano kano ka jingmynsaw ia ki briew kat haduh ba thoh ia kane ka khubor.

 

What Next?

Recent Articles

Leave a Reply

Submit Comment

*