Khie im biang ka issue BSF ha South West Khasi Hills District, pyrshah jur ka ksu

Shillong Iaiong 18: Ka jingwad ktem shipai ne ka Battalion Headquarter ha South West Khasi Hills District ka la Khie im biang hadien khyndiat bnai da ka jingpyrshang jong ki shipai ban buh iaka ktem ha shnong Rangthong kaba jngai kumba 12 kms na Mawkyrwat ha ka jaka kaba ki ong Mawpait.

Katkum ka jingtip ba thikna jongka Seng, naka liang jongki bor shipai kila pyrshang ban ioh iaka khyndew jong ka Ar Kur Ridwar Sanglyne Basan bad Syiemlieh Sawkpoh.  Naka liang jongka seng ka ieng haka nongrim  ban pyrshah jur ia Kane ka jingwad jaka halor ka nongrim  ba ka dong ka thain jongngi kan dang long kaba shngain bad ngim pat Donkam ia kita ki bor shipai ban wan skud ne ban wan buh hapoh jongka thain hi baroh kawei.

Ka Seng ka dawa ruh naki Nongialam jong kine Ki ar kur ba Ki dei ban pyrkhat bha halor kane ka mat namar kane Kan ktah iakiba  bun kiba lang. Ka KSU  kala iohi iaki jingjia kiba don tang Ki BSF Camp kum ha shnong  Nongtrai ba Kumno ka shipai BSF ki la pom Dusmon bad pynjot wat iaki bri kwai jongki nongshong shnong bad Kumta ngim kwah ba kine Ki juh kin jia ha ka thain ka jongngi kiba long ki jingjia ki ban pynsyier kylla iaki trai shnong bad iaki trai RI trai muluk.

Ka jingpyrshang ban wanrah iaka ktem shipai haka Thain kaba shngain kum ha Rangthong bad ha kiwei ki bynta jongka South West Khasi Hills District ka pyni ba ka don kaei kaei sha Lyndet kaba lada Ki trai shnong Kim pyrkhat bha Kan long ka jingtim bad ka jingduhnong iaka PATENG ban wan. Ki Ar Kur Sanglyne Basan bad Syiemlieh Sawkpoh ki dei ban kynran dien bad kyntait mardor iakane ka jingtyrwa jaka ha ki shipai lem Kumta na ka liang ka seng kan hap ban leh da kaba tyngeh Namar ngi iengskhem haka nongrim ba horkit hordang Ngin nym shah ban buh iaka jaka ha ka thain jongngi.

Mynta  ka sngi, mar ia ioh iaka khubor ba ki don Ki agent kiba la Pyrshang ban pynbiej da Kumno kumtai bad ban Pyrshang ban pyniaid wut wut iaka jingai jaka ha ki shipai naka liang ka KSU South West Khasi Hills District hapoh ka jingialam jong u Samla Forwardman Nongrem President KSU South West Khasi Hills bad ka KSU Rangthong Unit hapoh ka jingialam jong u Samla Pynskhem Shangdiar,  President bad Samla Hamir Syiemlieh General Secretary ki la leit ban pan jingshai na ka Kong I. Laloo DC SWKHD bad ha kane ka jingiakynduh la iathuh iangi na ka dei ka jingshisha ba Ki BSF ki la mut ban shim iaka khyndew ha shnong Rangthong na ka bynta ban buh iaka ktem shipai.  Na ka liang jongka seng kala la kyntu iaka DC ba ka seng bad Ki paitbah ki pyrshah jur ia kane ka jingthmu.

Naka liang ka seng kan sa iakynduh ruh ia u CEM bad ia u EM incharge Land jongka KHADC ba ka District Council kumba Kane ka jaka Ki dei ka Scheduled Area kam dei ban ai NOC ba yn ioh leh iaka Land Acquisition ban shim jaka na bynta ban buh ia Kane ka ktem ha Rangthong na ka kino kino ki jaka jongka District . Shuh shuh na ka liang jongka seng,  ka dawa iaki ar kur ba Ki dei ban sangeh noh ia Kane ka jingthmu ai jaka sha ki shipai lem Kumta na ka liang jongngi ngi hap ban leit sha u paitbah bad ban shim Da ki rai kiba tyngeh.

Ka KSU ka kyntu ruh iaki paitbah jongka thain ba Ki dei ban ai ka kti  Kamon ka Kti kadiang  bad ba Ki dei ban iengskhem ban nym shah pynbiej  haki agent ieitsbai ki Bym khein iaka iap ka im bad ka shongsuk shongshngain jongki paitbah bad ka thain.  Shen kin sa lum ruh iaki bor shnong bad Ki paitbah halor kane ka mat Pynkut ka kyrwoh na u Samla Pynskhem Shangdiar,  President,  KSU Rangthong  Unit bad u Samla Forwardman Nongrem,  President,  KSU South West Khasi Hills

 

 

 

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet