Shillong, Jylliew 24: Mynta ka sngi ka ophis jong ka Executive Director ka State Disaster Management Authority (SDMA) kala pyntip ba mynta ka sngi kala don ka jingtwa khydnew hapoh ka shnong Wakpangram kaba hap hapoh jong ka Mawshynrut Blok ha West Khasi Hills District ha kaba wei briew u la duh ei ia la ka jingim.
Ha Garo Hills na ka daw jong ka jingshlei um kiba la wan ban sah hapoh jong ki jaka sah bala pynkhreh da ka sorkar ki don haduh 286 ngut, kine baroh ki hap hapoh jong ka Zikzak Block 286 ngut.
Ki shnong kiba shah ktah ha kane ka jinglynshop jong ka mariang mynta ka sngi ki don saw tylli, ki briew kiba la shah ktah ha kane ka jinglynshop ka mariang ki don 4 ngut.
Ki briew kiba la khlad na ka jingshah lynshop ha ka mariang mynta u snem ki long 35 ngut, ki briew kiba jah 11 ngut, ki briew kiba mynsaw ki don 22 ngut, ki long iing kiba la shah ktah baroh haduh mynta ki long 950 ngut.
