Shillong, Jylliew 16: Mynta ka sngi ka jingjur palat jong u slap kaba la lynshop ia ka jylla Meghalaya kala wan rah ia ka jingjia kaba sngewsih ha kaba san ngut ki mynsiem briew kila duh ei na ka daw jong ka jingtwa khyndew.
Ka ophis jong ka Deputy Commissioner jong ka East Khasi Hills District mynta ka sngi la pyntip ba kala don ka jingjia kaba sngewsih ha kaba saw ngut ki briew kila khlad ha ka jingtwa khyndew ha shnong Laitlarem kaba hap hapoh jong ka Mawphlang Block.
Ki kyrteng jong ki saw ngut kiba khlad ki long, u hep rity Wamlambiang Kharmyndai 9 snem, u hep rit Banlumlang Kharmyndai 6 snem, ka hep rit Ribhalin Kharmyndai 4 snem, ka heprit Daphilari Kharmyndai 8 snem, kiba mynsaw u bah Nikstanlang Jyrwa 36 snem, u hep rit Banteilang Kharmyndai 12 snem.
Kane ka jingjia kala jia ha ka por 10.00 baje mynstep, kiba khlad hajuh na kane ka jingtwa khydnew ki don 3 ngut katba wei khlad ha lynti ban leit sha jaka ai jingsumar, ia kiba mynsaw la sumar ha CHC ha Mawphlang. Na ka liang ka ophis jong ka DC kala pyntip ba ki pulit kila pynbiang ia ki jingdon kam baroh ban ai ia ka jingiarap pisa.
La iathuh ruh ba ki don lai tylli ki surok kiba la khang noh shipor na ka daw jong ka jingtwa khydnew, ka surok Mawkynrew sha Mawlat, ka jingkhang ka dei ha ka bynta jong ka Lynshing bad Mawlat, ka surok ban leit na Mawkdok sha Khatarshnong kane ruh la khang bad ka surok PMGSY sha Kshaid kiba hap ha poh ka block Shella Bhollaganj.
Kawei pat ka jingjia kawei ka long kmie kaba la tip kyrteng jong ka Hailsentinari Marwein 25 snem kala khlad noh na ka daw jong ka jingshah rong noh ha ka um na ka daw jong ka jingtwa khyndew kane kala jia ha shnong Jashiar hapoh jong SWKH District.
