Sh
illong, Jymmang 19: Mynta ka sngi kala don ka jingiatynkhuh kali ha Umdishit Mawsawa, ha rum Mairang bad ha kane ka jingjia ar ngut ki briew kila khlad ha shen bad ar ngut kiwei pat kila mynsaw ha kane ka jingjia kaba sngewsih.
U heh pulit jong ka West Khasi Hills District u Bah GD Kharwanlang, u la iathuh ba kawei ka kali kamai Mahindra Max kaba don ia u number ML06-3987 kaba la niah da u Bah Bistarding Kharsyntiew 34 snem kala mih na Shillong ban leit sha ka shnong Nongum hynrei ynda poi ha Mawsawa kala ia tyngkhuh bad kawei ka trok kaba don ia number ML 10 A 7724 ia kaba la niah da u Bah Goldstarwell Nongbsap 29 snem.
Ha kane ka jingjia u nongniah ia kane ka kali Mahindra Max bad kawei ka kynthei kaba ym pat lah ban tip ia ka kyrteng jong ka kila khlad ha shen, kat ba ar ngut kiwei pat, u Abdul Miya 28 snem na Tarabari, Assam bad ka kong Silo Mawlong 61 snem na ka shnong Pyrda kila mynsaw bad la pynkit ia ki sha Tirot Sing Memorial Hospital Mairang ban sumar.
U heh pulit jongka West KHasi Hills u la iathuh ba u nongiah jong kane ka trok u la phet krad na katei ka jaka bad na ka liang jong ki pulit kila register ia kane ka jingujor hapoh jong ka Mairang Police station.
