Shillong, Nohprah 16: U Director ka tnad ka koit ka khiah u Dr Aman Wat mynta ka sngi u la pyntip ba mynta ka sngi kila don ar ngut kiba khlad na ka jingpang COVID-19, kiba khlad ki long u bah Toniak Marbaniang 72 snem na Laitumkhrah, ka Sufola Dad 47 snem na Tikrikilla. Baroh kiba khlad ki long 133 ngut haduh mynta.
U Director u la pyntip ba baroh kiba la test COVID-19 positive mynta ka sngi ki long 65 ngut, East Khasi Hills 57, West Jaintia Hills 6, West Garo Hills 1, South West Garo Hills 1, kiba dang shitom baroh ki long 687 ngut.
La pyntip ruh ba kiba la ioh ia ka jingkoit mynta ka sngi na kane ka jingpang ki long 66 ngut, East Khasi Hills 29, West Jaintia Hills 12, West Garo Hills 10, Ri Bhoi 8, East Garo Hills 2, North Garo Hills 2, West Khasi Hills 2, East Jaintia Hills 1, baroh kiba la koit ki long 12252 ngut.
