Khlad Dr Donkupar u Speaker ka jylla Meghalaya ha ka rta ba 65 ha Medanta Hospital

Shillong, Naitung 28: Mynta ka sngi u Dr Donkupar Roy 65 snem, Speaker jong ka jylla Meghalaya u la khlad noh hapoh Medanta Hopsital ha Gurgaon ha ka por kumba lai baje ei ei noh phai sngi ha dien ba ka jingshitom kala bat ia u katto katne por mynta.

Kane ka jingkhlad noh ka jong u la wanrah ia ka jingduh kaba khraw ia ka jylla khamtam ia ki seng riewlum ha kane ka jylla. U Dr Donkupar naduh ba u la jop ia ka MLA ilekshon ha u snem 1988 kum u kyrtong shimet, ia kaba la kyrshan da ka “Alliance Reconstruction of Meghalaya State” kaba dei ka shnat seng sain pyrthei jong ka Khasi Student’s Union ha ka shap jong ka Bom haduh mynta u la neh bad ialam ia ki seng riewlum.

Ha kine 31 snem jong ka jinglong MLA jong u, bat ia ki kyrdan bapher bapher bad ha u snem 2008 u la ioh ban long ruh u myntri rangbah ka jylla Meghalaya na ka party UDP, shuwa jong kane u la bat kum u Deputy Chief Minister ka jylla bad u la bat ia ki tnad sorkar bapher bapher bad ha dien ba u la jop u biang ia ka MLA ilekshon ha u snem 2018 u la shah jied kum u Speaker jong ka iing dorbar thawain ka jylla ha kaba u la khlad kum u Speaker jong ka jylla.

Ia u Dr Donkupar Lyngdoh ha kha ha ka 10 Naiwieng 1954,  u la sdang ia ka jingpule jong u na Ramkrishna Mission Shella ha ka Primary bad ia ka Matrik u la pyndep na Ramkrishna Mission Sohra, ia ka Pre- University bad Degree na St, Anthony’s College   Shillong bad ia ka Post Graduation bad PhD na ka skul buh  North Eastern Hill University.

Shuwa ban rung sha ka sian pyrthei u la hikai hapoh jong ka Synod College bad North Eastern Hill Univeristy ha ka subject Economics. Dei ha u snem 1988 u la ia shim bynta ha ka sain pyrthei ban ia khun ia ka MLA ilkeshon na Shella konstitwensi ha kaba u la jop kum u kyrtong shitmet da ka jingkyrshan jong ka KSU. Naduh katei ka snem haduh mynta u la long u MLA jong ka Shella haduh kine ki sngi ba khatduh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet