Shillong, Nailur 08: Kawei ka long kmie kaba la tip kum ka Everlin Shadap Manner kaba la 40 snem ka rta kaba la shah kem ha ki pulit jong ka Jowai halor ka jingkynnoh ba kala don ka jingthmu ban pyniap briew kala khlad noh mynta ka sngi ha Shillong Civil Hospital Shillong.
Ha dien ba la kem ia kane ka long kmie ki pulit kila set ia ka hapoh Jowai District Jail jong ka West Jiantia Hills District, hynrei la wan rah ia ka sha Shillong Civil Hospital ban phah sumar ia kaba kane ka long kmie kala khlad noh mynta ka sngi. Na ka liang jong ki pulit kila pyndep ia ki jingdon kam baroh bad ka jingthohkit ruh ka dang iaid.
