Shillong, Risaw 20: Kawei ka long kmie kala khlad noh ha shen ha ka jingiatyngkhuh kali mynta ka sngi ha Markasa bad saw ngut kiwei pat kila mynsaw ia kiba mynsaw la pynkit sha Mairang Civil Hospital ban phah sumar kane kala jia ha ka por 6.45 Am mynta ka sngi.
Katkum ka khubor kaba la lah ban ioh la ong ba kawei ka trok kaba don ia unumber AS01 DD 7063 kala leit ban tynrah ia kawei ka kali Alto K10 kaba don ia u number ML06-7353 bad ha kane ka jingjia ka long kmie kaba don ha kane ka kali kala khlad ha shen. Kane ka long kmie kaba la khlad la tip kyrteng kum ka kong Rose Lyngdoh 50 snem na ka shnong Laitkseh.
Kiba don hapoh kane ka kali kaba wan lap kane ka jingjia kaba sngewsih kila mih na shnong ban leit peit ia ka khun jong ki kaba dang pule sha Guwahati hynrei ynda poi ha Markasa kala ia kynduh ia kane ka jingjia kaba sngewsih. Kiba mynsaw ha kane ka jingia tyngkhuh kali ki long u Bah Standbording Myrthong 34 snem u ba niah ruh ia kane ka kali Alto, u Bah Thramshon Marngar 60 snem, u Lamphrang Lyngdoh 9 snem.
Ka kali Ambulance 108 kaba na Markasa kala kit ia kiba shitom sha Markasa PHC ban ioh jingsumar bad ha dien la pynkit noh ia ki sha Mariang Civil Hospital ban ioh jingsumar bad ia kiba la kham shitom jur la kit sha KJP Robert Hospital Shillong.
