Shillong, Nohprah 03: U Myntri ba rim jong ka sorkar Meghalaya u Manirul Islam Sarkar 53 snem u la khlad nohmynta ka sngi bad ka jingleit thang kan long la shai ka sngi ha shnong ha Chibinang hapoh jong ka West Garo Hills District.
U ne u myntri barim jong ka sorkar jylla u Sarkar u la jop arsien kum u MLA sha ka iing dorbar thawain ka jylla na ka konstitwensi barim mynshu wa ka 48-Phulbari Constituency. U Sarkar u la jop nyngkong ia ka MLA na kane ka jaka ha u snem 1993 kum u kyrtong shimet bad ha u snem 2003 u la jop biang na kane ka jaka na ka party Indian National Congress.
Ha kane ka jinglong MLA arsien ka jong u la long ruh u myntri hapoh jong ka sorkar. U myntri ba rim u la khlad noh ha dien ba ka jingpang kala bat ia u tang khyndait por,
U Commissioner Secretary jong ka Meghalaya Legislative Assembly, la iathuh ba na ka liang jong ka ophis kala ioh jingtip mynta ka jan miet ba u MLA barim jong ka 48-Phulbari Constituency u la khlad noh mynta ka sngi.
