Khlad u Dr Azad Zaman MLA jong ka Rajabala mynta ka sngi na ka jingsangeh klongsam

Shillong, Lber 04: U Dr Azad Zaman 47 snem MLA jong ka party Congress na ka 47-Rajabala Konstitwensi la khlad kyndit mynta ka sngi na ka daw jong ka jingsangeh kynsan u klongsnam.
U Myntri Rangbah ka jylla u Dr. Conrad K Sangma u la pynpaw ia ka jingsngewkyndit kaba khraw halor kane ka jingkhlad ba kynsan jong u Dr Azad Zaman, u myntri rangbah u la ong ba u Dr Zaman u dei u nongialam bad da khynnah na rithor jong ka West Garo Hills bad u trei na ka bynta ki paidbah.
Halor kane ka jingkhlad kaba kyndit jong u Dr Zaman na ka liang jong u myntri rangbah ka jylla u Conrad u phah ia ka khubor sngewlem sha kiba ha iing ha sem halor kane ka jingkhlad bad u duwai ba ai ka mynsiem jong u kan ioh ia ka jingjahthait bym jukut.
Na ka liang jong ki MLA ka Congress ka Dr Ampareen Lyngdoh kala pynpaw ia ka jingsngewkyndit halor kane ka jingkhlad ba kynsan jong u Dr Azad Zaman MLA jong ka Rajabala bad kala ong ban leit sha konstitwesni jong u ban ai burom khatduh ia u ne u riew rangbah.
U Dr Azad Zaman u la jop ia ka MLA elekshon na ka party congress ha u snem 2018, u Dr Azad u la pyndep ia ka jingpule MBBS na ka Rajiv Gandhi University of Health Sciences, Bangalore.