Shillong, Nailur 11: U bah Simon Siangshai MLA myntri ba rim jong ka jylla Meghalaya u khlad noh ha ka jingsumar hapoh Super Care Hospital Shillong ha dien ka jingshitom kaba la bat ia u katto katne por.
U Bah Simon Siangshai u la jop kum u MLA nyngkong ha u snem 1988 kum u kyrtong shimet na ka Rymbai Konstitwensi bad ha u snem 1993 u la jop na ka party HPU bad ha u snem 1998 u la jop na ka party UDP.
Ha kine ki jinglong MLA u Bah Simon Siangshai u la long u myntri cabinet ha ka sorkar jylla bad u la bat ruh ia ka tnad kam karkhana ha ka jylla dei ha u snem 2003 ba u la shah rem noh ha u bah Nehlang Lyngdoh kyrtong jong ka seng Congress.
