Shillong, Rymphang 28: Kala don ka jingjia ba sngewsih mynta ka sngi ha kaba u wei na kinongtrei jong ka ophis PWD Division Mariang u la duh ei iala ka jong ka jingim ha ka jingialehkai sha kane ka pung Mawphanlur bad kane ka jingjia kala jia ha ka por kumba 2.15 baje noh phai sngi.
Na ka liang jong DC jong ka West KhasiHills u la ong ba u ne u nongtrei shiporjong ka PWD u ba la hap ha kane ka jingjia ba sngewsih la tip kyrteng kum u Bah Kyntiewdor Wahlang, 35 snem ka rta bad ha kane ka jingialeit ki ia don kumba 30 ngut.
La ong ba na kiba ia don lang ha kane ka jingleitkai u tei u samla u la shim ia ka lienhkynda ban niah na ka Mawphanlur Integrated Village Cooperative Society khlem da phong ia ka life jacket bad kane ka lieng kynda kala kylla bad ha kane ka por ba wan lap kane ka jingjia ba sngewsih u wei na ki dkhot jong ka Mawphanlur IVCS u la don lang bad ia ka met jong u haduh mynta ym pat lah ban ioh tam kajingpyrshang ban wad ia ka met ka dang iaid.
