Shillong, Jymmang 07: Ha ka miet sngi balang ki briew kiba ym lah ban tip kila bom klep ia u samla Bring Marbaniang ha shnong Mawdwar ha kaba la lap ia met jong u mynta ka step bad la rah sha Bhoirymbong CHC bad la pynbna ba u la khlad.
Na ka liang jong ki pulit ka Khapmara EIC, kila iathuh ba kane ka jingjia kala jia mynmiet bad la lap ia ka met mynta ka sngi bad la rah sha Nongpoh Civil Hospital ban leh ia ka post mortern. Na ka liang jong ki pulit kila sdang ia ka jingtohkit ban lap ia ki riew sniew kiba la leh ia kane ka kam pyniap briew.
Na ka liang jong ka seng Hynniewtrep People Front jong ka Ri Bhoi Distirct lyngba u President ka seng kala pynrem jur ia ki briew kiba la leh ia kane ka kam sniew bad ki dawa na ki pulit ban thewt ia kine ki nongleh kam sniew bad ban pynshitom katkum ka kam.
U Samla Bring Marbaniang 26 snem u dei na ka shnong Nongtarian hapoh jong ka Ri Bhoi District bad u leit sha katei ka shnong Mawdwar ban leit bylla hynrei ki riew sniew kiba ym lah ban tip kila bom ia u bad u la khlaw noh ha kane ka jingjia.
