Shillong, Lber 08: Ka seng Congress kaba don ha ka liang pyrshah hapoh ka iing dorbar jong ka jylla Meghalaya mynta ka sngi kam shym la ia shim bynta ha kaba ia dei bad ka jingkren jong u Lat ka jylla u Tathagata Roy hapoh ka iing dorbar ha kane ka sngi sdang jong ka dorbar mang tyngka na ka bynta jong snem 2019-2020.
Kane ka long ka sien kaba nyngkong ha ka jylla Meghalaya ia kaba la lah ban kynmaw ba ki liang pyrshah kims hym la ia shim bynta ha ka jingkren jong u Lat ka jylla hapoh ka iing dorbar ba shuwa ban sdang ka dorbar ba nyngkong jong man u snem hap ioh ia ka jingkren na u Lat ka jylla.
Wat la ki liang pyrshah kim don hapoh ka iing dorbar na ka liang jong u Lat ka jylla u la pyndep ia ka bynta ka jong u ban kren hapoh ka iing dorbar ha kaba baroh ki dkhot jong ka liang synshar kila don hapoh ka iing dorbar ha kaba kren u lat ka jylla.
Ia u Lat ka jylla la leit shaw da u shongknor jong ka iing dorbar na phyllaw jong ka iing dorbar thawain ka jylla sha poh iing dorbar kum ba juh long na ka bynta ba u lat jong ka jylla un ioh ban ai ia ka jingkren ka jong u hapoh ka iing dorbar.
