Khlem ka jingbit na ka District Council ki shipai kin nym lah ban thied jaka: Bah Pyniaid

Shillong, Jymmang 30: Mynta ka sngi ki nongialam ka seng kmie jong ka KSU kala leit ban ia kynduh ia u Bah Pyniaid Sing Syiem Deputy Chief Executive Member jong ka KHADC ban dawa na ka District Council ba kam dei ban ai jingbit ia ki shipai ban thied jaka.

Haba kren ha ki lad pathai khubor ha dien ka jingiakynduh bad ka KSU, u Bah Pyniaid u la ong ba ha kane ka jingiakren la shim ia ka rai ba ka KHADC kan nym ai jingbit ia ki shipai BSF ban thied jaka ha ki bynta jong ka Lokhra khappud bad ka jylla Assam.

La iathuh ba ha ka 22th Lber 2019, ka ophis jongu Syiem jong ka Hima Mylliem kala pyntip sha KHADC ba ka don ka jingpan jingbit na ka bynta ba ki shipai BSF kin thied jaka ha Ri Bhoi District bad na ka liang jong ka KHADC kan nym ai jingbit.

Haba jubab ia ki jingkylli kaei ka bynta jong ka District katkum ka ain shim khyndew jong ka sorkar pdeng kaba la pynkylla ha u snem 2013, na ka liang jong u Deputy CEM, u la ong ba kala don ka kyndon lada ym bakla ba khlem da ioh jingbit na ki District Council yn nym lah ban shim jaka.

Na ka liang jong u President jong ka KSU u Bah Lambokstrwell Marngar haba kren ha ki lad pathai khubor u la ong ba ka seng kan leit ban ia kynduh ia u Deputy CEM ka long ban pynpaw ia ka jingpyrshah halor ka jingthmu ban thied jaka ki shipai ha Ri Bhoi bad u la don ha kane ka jingiakynduh na ka liang jong u Deputy CEM u la kular ban nym ai jingbit.

Haba phai sha ka Hima Mylliem, u president ka KSU u la ong ba ka hima ka don ia ka jingtip lada kam tip kumno kan phah sha ka KHADC, ha ka jingshisha ka hima kala dei ban khang mar dor hapoh ki bor jong ka Hima. La ong ba ka seng kala bud dien iakane ka kam naduh u snem 2018.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet