Shillong, Jymmang 11: U Deputy Commissioner jong ka East Jaitnia Hills District, u Bah FM Dopth u la ong ba khlem khang ia ki trai shnong ba kin ia leit die ia ki jhur jong ki,ki kali jhur ba wan na Assam dei ki nongdielang ki wan buh tang ha Lad Rymbai bad Khliehriat bad ki dukan shnong ki shim na ki bad ki leit ban rah sha ki shnong.
Haba kren ha u SP News Agency na ka liang u DC u la pynshai ba ha duh mynta ym pat plie ia ki iew kiba juh long shisien shitaiew, ki ba la shah mynta dei tang ki dukan ha ki shnong ki shnong bad la shah ia ki ba kin plie man ka sngi naduh sngi Nyngkong haduh sngi Thohdieng.
Ha dein ba kila thied na kine ki nongdie lang la shah ia ki ba kin leit ban die sha kiwei ki shnong, hynrei ban ong ki iew haduh mynta ym pat shah ban plie. Ki nongdie dukan ki lah ban thied na ki nongdielang katkum ki sngi ba la buh bad ki rah sha ki shnong ki shnong ba die.
Na ka liang jong u DC u la kyntu ia ki paidbah ba lada kim sngewthuh ka bha ba kin kyli bha na ophis ban lait na ka jingsngewthuh bakla. La ong ba lada ym wan rah na sha bar na ei yn ioh jhur. Ka jingong shah u ta khang ia uta kam don kaba kum kata.
