Shillong, Nohprah 20: Ka kommittee kaba kyrpang jong ka hynhun kynthei ka party United Democratic Party (UDP) mynta ka sngi kala shim ia ka rai ban ai ka jingkyrshan ia ka party halor ka jingdawa ia ka inner Line Permit, ban pynrung ia ka ktien khasi ha ka khyrngit kaba phra jong ka Riti Synshar ka Ri India bad ban pynjlan ia ka rta thung kam.
Ka President jong ka seng kynthei jong ka party UDP ka kong Pretty Kharpyngrope ba ka seng ka ai ka jingkyrshan ia ka jingdawa ILP, hynrei ki pyrshah ia ka jingthmu ban shna ia ka lynti rel ha Khasi- Jaintia, ka jingpyrshah ka long ba kum ka jaidbynriew ka dang duna ka jingdon paid.
Ka seng ka pyrshah ia ka Lynti rel la ka dei ka rel kit briew lane ka rit ki mar khlem da don ia ka lat jingiada na ka jingwan tuid kyrthei kiwei pat ki jaidbynriew, ka seng ki kynthei kala dang pyniar ia ka jingtrei kam jong ka sha Jaintia Hills.
Ka kong Pretty kala pynkynmaw ia u Dr. Donkupar Roy bam kwai ha dwar u blei u ba la pyrshang ban wan ia ka jingiatylli hapdeng ki seng riewlum bad u kwah ban don tang kawei ka seng riewlum kaba khlain ha ka jylla.
