Khlem pat lah ka KHADC ban shna ia ki rule ban ithuh ia ki nongai dawai khasi nylla

Shillong, Iaiong 05: Ka Khasi Hills Autonomous District Council wat la kala ioh ia ka jingmynjur jong u lat ia ka “Khasi Hills Autonomous District Council (Protection and Promotion of Khasi Traditional Medicine) Act, 2011, hynrei haduh mynta kam pat lah ban shna ia ki rule.

Katkum ki lad khubor kiba u SP News Agency u la ioh na KHADC kila iathuh ba haduh mynta la khyndai snem naduh ba la ioh ia kane ka ain ka KHADC kam pat lah ban shna ia ki rule ban ithuh noh ia ki nongai dawai khasi katkum katei ka ain, la ong ba ka jingpynkhreh ia ki rule ka dang iaid.

Na ka liang jong ka KHADC ka iohi ba kane ka jingai dawai khasi nylla katba dang mih ki sngi kala dang hiar, ban pynneh pynsah ia kane ka jingai dawai khasi da kaba wanrah ia katei ka bill kaba la long ain ha kaba la dep ban pynbna hapoh jong ka ain pynbna sorkar.

Katkum ki jingtip kiba la lah ban ioh, la bun bah ki ba ai dawai khasi kila buh ia ki aplikoshon hapoh jong ka KHADC ban ioh ia ka jingithuh ia ki na ka KHADC, hynrei namar ba ym pat don ki rule kam pat lah ban ai ia ka jingithuh ia ki nongai dawai khasi katkum katei ka ain.

Na ka liang jong ka KHADC kala dep ban thaw ruh ia ka  Khasi Traditional Medicine Committee hapoh jong ka KHADC ban peit ia kane ka kam hynrei namar bay m pat lah ban shna ia ki rule haduh mynta kam pat lah ban trei kam pule bad u Chairman jong kane Committee bat hi u Chief Executive member, u Bah Titosstarwell Chyne.

 

 

What Next?

Recent Articles

Leave a Reply

Submit Comment

*