Shillong, Naitung 07: ka ophis jong u District planning ophisar jong ka East Jaintia Hills District ka khot aplikoshon na ki seng trei mon sngewbha na ka bynta ka jingiarap pisa na ka Voluntary Action Fund (VAF) jong ka Planning Department, jong ka sorkar jylla katkum ki kyndon kiba la buh da ka sorkar.
Ka jingiarap pisa kaba ka lah ban ai na ka planning ka long na ka bynta ban pynlong ia ki jingai jinghikai, ki jingialang ban ia mir jingmut kaba dei ha ka liang ban kyntiew ia ka ioh ka kot jong ki paidbah.
Ka jingiarap pisa ia ki seng trei mon sngewbha kan long katkum ka jingbuh jong ki ia ki skhim bad ia ki aplikoshon yn sa bishar bniah da ka District Level Empower Committee bad ka rai jong kane ka committee kan long kaba khatduh. Ia ki aplikoshon lah ban ioh na ka ophis jong u District Planning Officer, East Jaintia Hills District, Khliehriat. Ka tarik kaba khatduh ban phah ia ki aplikoshon kan long ha ka 20 tarik mynta u bnai.
