Shillong, Risaw 26: ka tnad ialehkai jong ka sorkar Meghalaya ka khot aplikoshon na ki rangbah ki thei kiba la paw ha ki kam ialehkai ban ioh ia ka khusnam ‘Kiang Nangbah Award’ ia kaba yn sam ha ka sngi lyngkhuh dap snem ka jylla ia kaba la tip kum ka “Meghalaya Day Celebration” ka ban long ha ka 21st Kyllalyngkot 2019.
Kiba tyrwa ia lade ban ioh ia kane ka khusnam ki dei ban long kiba la paw ha kino kino ki jingialehkai bad ki dei ban batai shai ha ka phom kaba la don ba kin pyndap ba kin phah sha ka tnad ia lehkai ia kaei kaba ki la leh bad ka jingnoh syniang jong ki ha kata ka bynta.
Kino kino kiba kwah ban buh ia ka jingtyrwa ban ioh ia kane ka khusnam kid ei ban shim ia ki phom na ka ophis jong ka tnad ialehkai bad kin hap ban pynpoi ia ki jingtyrwa jong ki ha lane shuwa ka 16th Naiwieng 2018.
