Sh
illong, Nailur 25: Ka Executive Committee jong ka KHADC kaba la shong mynta ka sngi kala shim ia ka rai ban khot ia ka jingialang jong ki MLA, ki MDC bad ki seng bhalang jong ka thian Wahkaji ban ia kren halor ka jingpan “No objection Certificate” ia ka surok na Wahkaji sha Ranikor da ka sorkar bad u MLA katei ka jaka u Bah Pius Marwein.
Haba kren ha ki nongthoh khubor mynta ka sngi, u CEM jong ka KHADC u Bah Shylla u la ong ba la buh ban pynlong ia kane ka jingialang ha ka 01st Risaw 2018, ha kaba la khot ia ki MLA bad MDC kiba dei na ka Ranikor , Mawkyrwat bad Nongstoin namar kane ka surok ka hap hakine ki lai tylli ki konstitwensi.
Na ka liang jong ka KHADC kan nym lah ban shim ia ka rai namar ki la don ki jingialang ba lada dei ban ai ne kyntait ia ka NoC ha kaba ia dei bad katei ka surok hap ban khot ia ka jingialang jong ki nongmih khmat katei ka thain bad ia ki seng bhalang ban shim ia ka rai.
Haba ia dei bad katei ka surok ban shna na Wahkaji ban pyniasoh sha Ranikor , ka sorkar jylla kala pan ia ka NoC bad ha ka juh ka por u MLA jong kane ka jaka u Bah Pius Marwein u la aid a ka jingthoh ba kyntu ia ka KHADC ban ai ia ka NoC. Shuwa ban shim ia kano kano ka rai ka KHADC kan khot shuwa ia ka jingialang ban ia sngewthuh la dei ban ai ne ban nym ai ia ka NOC.
