Khot jingialang ka DC Shillong ban pynkhreh ia ka sngi thep vote MLA ha Shella Konstitwensi

Shillong, Risaw 09: Ka Deputy Commissioner jong ka East Khasi Hills District, Shillong ka kong Matsiewdor War Nongbri mynta ka sngi kala khot ia ka jingialang ban pynkhreh ia ka sngi thep vote ha kane ka ilekshon MLA shiteng samoi ha 26-Shella Konstitwensi kaban long ha ka 21 tarik mynta u bnai.

Ha kane ka jingialang baroh ki ophisar kiba ia dei bad kane ka ilkeshon kila don lang ha kane ka sngi, ia kaba la pyniaid da ka kong Matsiewdor, ha ka jingiadon lang u Bah F Kharshiing IPS  DIG jong ka tnad syntiat ki pulit, ka Superintendent ki pulit jong ka East Khasi Hills Kong Claudia Lyngwa,  u Himanshu Kumar Rai, IAS, General Observer, u  Rishabh Gupta, IRS, Expenditure Observer bad u bah L. Kynjing, MCS, Sub-Divisional Officer ba dei peit ia ka ilekshon hapoh jong ka, Sohra Civil Sub-Division.

Ka jingkhot ia kane ka jingialang ka long ban peit ia ka jingpynkhreh ha kaba ia dei bad kane ka ilekshon shiteng samoi hapoh jong ka 26-Shella Konstitwensi, ha kane ka jingialang la iakren ia ki jaka thep vote, ka leit ka wan bad kum juh ia ka jingshong shong shongshngain ha kane ka por ilekshon khamtam ha ka sngi thep vote.

Ha kane ka jingialang ia kren ia ki jingeh kaba ki nongpyniaid ha ka sngi thep vote kila ban ia kynduh ia ki jingeh. Ha kane ka jingiakren la ban jur ba dei ban don kilad ki lynti kumno ban don ia ki lad jingkyrshan lada don kano kano ka jingthut khamtam eh ha ka sngi thep vote.

Na ka liang jong ka Deputy Commissioner kala bthah ia baroh ki ophisar kiba la shah jied ban pyniaid ia ka ilekshon ba kin hap ban but ia baroh ki kyndon kumba la buh da ka Election Commission jong ka Ri India.

Ha kane ka jingialang na ka liang jong u Bah L Kynjing u ba dei u Returning Officer na ka bynta kane ka ilekshon shiteng samoi hapoh ka 26-Shella Konstitwensi u la batai ia ka jingpynkhreh kaba ki la pynkhreh kumno ban pyniaid beit ia ka ilekshon MLA Shitteng samoi.

Ka SP jong ka East Khasi Hills ka kong Claudia Lyngdwa kala ong ba na ka liang jong ki pulit kila pynkhreh bad kila shim ia ki lad ki lynti baroh ban peitngor ha kane ka por ba ka jingpynkhreh ia ka ilekshon MLA shiteng samoi ka dang iaid sha khmat.

Na ka liang jong u Himanshu Kumar Rai, u nongpeit pyrman na ka bynta kane ka ilekshon MLA shiteng samoi u la pynpaw ha kane ka jingialang mynta ka sngi ba u la I hun ia ka jingpynkhreh bad u kyrmen ba kan long kaba iaid beit ha ka sngi thep vote.

 

What Next?

Recent Articles

Leave a Reply

Submit Comment

*