Khot jingialang u Myntri Rangbah duh ka Ri u Modi ban tehlakam ia u ka COVID-19

New Delhi, Lber 19: U Myntri Rangbah duh ka ri, Narendra Modi  u la pyniaid ia ka jingialang ban khmih bniah ia ki jingpyrshang ba la pyntreikam mynta ban tehlakam ia ka COVID-19.

La iakren ruh halor ki rukom ban pynkhlain shuh shuh ka jingpynkhreh jong ka India. Kane ka kynthup ka jingkyntiew shuh shuh ia ki jingdonkam ba iadei bad ka jingleh ia ki test.

U Myntri Rangbah duh ka ri u la ban kyrpang halor ka jingiatreilang jong ki briew, ki shnong ki thaw bad ki kynhun ha ka ban saindur ia ki lad ki lynti jong ngi ban iakhun pyrshah ia ka jingeh ba iadei bad ka COVID-19.

U la kyntu ruh ia ki ophisar bad ki riewshemphang ha ka liang ka teknikal ban pyrkhat bha halor ki sienjam ban sa shim ha ki por ban wan.

U Myntri Rangbah duh ka ri u la pynpaw ka jingsngewnguh sha baroh kito kiba don hakhmat eh ban iakhun ia ka COVID-19 ba kynthup ia ki Sorkar Jylla bapher bapher, ki briew ba trei ha ka tnad ka koit ka khiah, ki nongtrei paramedical, ki shipai, kito kiba dei peit ia ki kam liengsuin  (aviation sector), ki nongtrei municipal bad kiwei kiwei.

U Myntri Rangbah duh ka ri un ai jingkren ha ka 19 tarik Lber, 2020 ha ka por 8 baje mynmiet ha kaba u kren shaphang ki jingeh ba iadei bad ka COVID-19 bad ki jingpyrshang ban iakhun ia ka.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet