Shillong, Risaw 02: ka Meghalaya Peoples’ Committee on Aadhaar (MPCA) kala pyntip paidbah ba kan pynling ia ka jingialang ha Khasi National Durbar Hall, Mawkhar, Shillong ha ka 15th Risaw 2018 bad kane ka jingialang kan long ha ka por 11 baje mynstep.
Ka jingkhot ia kane ka jingialang paidbah ka long ban batai paidbah ia ka rai jong ka iing bishar kaba ha khlieh duh jong ka Ri India ka Supreme Court ha kaba ia dei bad u Aadhar. Kane ka jingialang kan kham bniah halor ka bynta ba kumno ban leh lada kim kwah shuh ia u Aadhar.
Ha kane ka juh ka sngi yn sam paidbah ruh ia ki kot lyngkdop ia kaba la thoh ha ka ktien ia ka rai jong ka iing bishar ba don burom. La kyntu ia ki paidbah ba kin ia poi sha kane ka jingialang ban ioh ia ka jingshai.