Shillong, Rymphang 09: Ka Meghalaya Joint Action Committee (MJAC) kaba kyntup ia ka All Jaintia Hills Transporter Association bad ka Meghalaya People’s Labour Union ka khot kawer ia ki paidbah sha ka jingialang paidbah ban long ha 7-Mer Jowai ha ka sngi ba ar kata ka 11/2/2020.
Kane ka jingialang paidbah kan long ha ka por 11.00 baje mynstep, ia kane ka jingialang ka khot ban ia kren halor ka kam tih dewiong namar ki paidbah kim lah shah shuh ia ka jingpynslem jong ka sorkar ban pynbeit ia ka kam shallan dewiong ha Jylla.
Ki nongialam ka “Meghalaya Joint Action Committee for Solution of Public Grievances” u bah Balen Thubru kum u nognkhot bad u bah Erwin K Syiem Sutnga kila kynnoh ba kiba ioh ban shallan dewiong mynta dei tang kito kiba don jing iadei bad ki heh sorkar.
Kitei ki nongialam jong ka MJAC ki ong ba dei ban ai ia ka jingkyrshan ia ka Lokayukta kaba la phah tohkit ia kane ka kam khaii dewiong katkum ka rai jong ka iing bishar ba ha khlieh duh jong ka Ri India ka. Kane ka long katkum ka kyrwoh kaba la phah da u bah Balen bad Bah Erwin.
