Shillong, Naiutung 02: U nongialam jong ka FASTOM u bah Maybon Lyngdoh mynta ka sngi u la ong ba u kwah ban iohi ba ka kong Ampareen Lyngdoh bad u bah Jemini Mawthoh baroh ar ngut kiba dei ki nonghikai kiba la kylla politsian ba kin leit ban jngoh ia ki ha katei ka jaka ba ki ia khih.
Haba kren ha ka jingialang ban shim rai ba kin bteng ia ka jingiakhih u bah Maybon la ong ba kaei kaba u kwah ka long ba u khot ia ki ar ngut ki nonghikai kiba la kylla politician ba kin leit ban jngoh ia ki ha katei kaba ki ia khih.
U la pynkynmaw ba ka kong Ampareen Lyngdoh kala dei ka nonghikia ba khlieh ia ka tnad pule Mass Media hapoh jong ka St, Anthony’s College bad mynta ka MLA, u bah Jemino Mawthoh ba dei nonghikai hapoh ka skul bah NEHU ba la long teng u MLA ba kine ki ar ngut kin leit jngoh ia ki.
Ha kane ka jingiakren la iathuh ba ki MLA kiba la leit ban jngoh ia ki ki dei na ka TMC bah George B Lyngdoh, Bah Adelbert Nongrum na ka KHNAM, bah AL Hek na ka BJP bah Himalaya Shanpliang, nalor kine don ruh sa ki seng bhalang hynrei u kwah ba kite ki ar ngut ki MLA kin leit ban jngoh ia ki.
