Khot u Dr Mukul ia ki briew na kylleng ka pyrthei ha ka Cherry Blossom Festival 2017 ha Shillong

New Delhi, Risaw 16: U myntri rangbah joDr Mukulng ka jylla u Dr Mukul M Sangma, ryngkat bad u Prof. Dinabandhu Sahoo, Director of Institute of Bioresources and Sustainable Development (IBSD), ki khot ki wer ia ki briew jong ka Ri India bad kum juh ia ki briew na kylleng ka pyrthei ba kin wan ha ka ka India International Cherry Blossom Festival. Ka ban long ha Shillong bad dei tang kane ka tamasa ba ia kane ka tamasa la pynlong ha ka por synria ha ka pyrthei. Kane ka jingleh kmen kan sdang naduh ka 8 tarik haduh ka 11 tarik jong u Naiwieng 2017.

Haba kren ha ki lad pathai khubor mynta ka sngi ha Press Club jong ka Ri India ha nongbah Delhi, u myntri rangbah ka jylla u la ong ba bun sien ki briew kiba kwah ban iohi ia kane ka “Cherry Blossom Festival” ki hap ban leit sha Ri Japan lane sha USA, hynrei mynta ki paidbah ki lah ban iohi ia kane ka tamsa hapoh ka Ri India bad kata ruh ha u Naiwieng. U la ong ba ka nongbah jong ka jylla Meghalaya ha ki rud surok ki dap da une u jaid dieng ba phuh syntiew bad khamtam eh ka Nan Polok kaba pawnam.

Ban ioh ban leh kmen ha kane ka “Cherry Blossom” ha Ri Japan ia kane ki khot ka “Sakura” lane ki briew ki leit sha USA bad ki briew ki leit ban jngoh ia kylleng jong ka Ri Japan bad USA ha u Bnai Lber jong man u snem, katba ha Meghalaya une u syntiew u phuh ha u bnai Synrai u Naiwieng man u snem.

Ha Ri Japan la thung khnang ia une u jaid dieng naduh ki spah snem kiba 15 AD bad la thung ia kine ki dieng na ka bynta ka jingsngew bha jong ki Syiem bad na katei ka ri la thung ruh ia une u dieng sha Samurias, Ha japan ki don palat ia ka 200 jaid ki syntiew na  une u jaid dieng ba u phuh ha u bnai Iaiong. Ka Ri USA ka ioh ia kine ki dieng na Japan kum ka dak jong ka jingialong paralok.

Haba iohi ia ka jingmyntoi na kitei ki rib a ki ioh na kane ka jaid tamasa, la pynlong ruh ia kane ka tamasa ha North East, ha ka nongbah jong ka jylla Meghalaya ha Shillong bad kane ka long ban kyntiew ia ki kam jngohkai pyrthei la ong u Prof Dinabandhu Sahoo, u Director jong ka Institute jong ka Bioresources bad  Sustainable Development, kaba dei jong ka sorkar pdeng. La ong ba lada poi sha Shillong kin iohi ia kine ki dieng ha Umiam, Nan Polok, bad kumjuh ha Mawphlang bad na ka Ri Japan ki kwah ban thung ia kine ki dieng mynta ha Ri India.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet