Khynra ka Hima Mylliem ryngkat bad ki magistrate ia kiba sah beain ha iewduh

Khynra ki Magistrate ha IewduhShillong ,Lber 20: Ka Ophis jong ka Hima Mylliem ryngkat ia jingia don lang ka Magistrate,ki pulit,ki pulit syiem bad ki dkhot ka NIA hynne ka janmiet ki la leit ban khynra ia ki bar jylla kiba sah beain ha ki quarter ka Hima ha iewduh wat hadien ba la kut ka jingai por da ka Hima.

Ha kaba ia dei bad kane ka jingsah beain da ki bar jylla ha iewduh u Myntri C Kharkongor uba dei khmih ia ka iew ula khot hajir ia baroh ki bar jylla kiba sah ha iewduh.

Ia ka jingkhynra la sdang na stand jeep ha palton bazar bad pynkut iew die lang bad la lap ba ki bar jylla kiba dang iai bteng ia ka jingsah ha kitei ki quarter syiem naduh ba la pynlong ia ka jingkhynra ba mynshem snem.

U Myntri C Kharkongkor haba ai jingkren sha ki lad pathai khubor ula ong,ka jingjurip kaba la pynlong mynta ka sngi kam dei ka sien kaba nyngkong hynrei ka dei ka kam ba la ju leh barabor kaba ka Hima kam ju shah ban sah briew ha iew bad ka hima ka don ia ki ain ki kanun kaba la pynkhreh ban leh ia kaba donkam. Ula ong,ka jingsah ki briew ha iew ka wanrah ia ki jingsniew ba laiphewjait,ki jingjakhlia na ka jingbym biang ki painkhana bad ka um bam kaba biang.

“Ka jingleit khynra kaba pynlong mynta ka jan miet ka long ban lap ia kiba sah miet ha iewduh hynrei kum ka hima ka shem jingeh bha ban lap ia kiba sah ha iew.

Haba la kylli kaei ka daw ba la pynlong ia ka Hima ba kam lah ban beh ia ki bar jylla wat hadien ba ka District Council ka la dep hukum ba dei ban beh noh ia baroh,u Myntri Kharkongkor ula jubab ka Hima kam ju shong kli hynrei ka jingkhynra la ju pynlong man la ka por ha kaba la ai ruh ia ki jingtip bad jingmana ba man la ka por bym bit ban pynlong iingsah ha iew.

U Bah Korbar L Nonglait u President ka NIA haba ai jingkren sha ki lad pathai khubor ula ong,ka seng ka dap da ka jingsngewkhia halor ka jingnang bun ki kam sniew ha iew kaba la pynlong ia ka seng na ka por sha ka por ba kan leit ujor sha ki ophis jong u Syiem hynrei haduh kine ki sngi ka Hima Mylliem kam lah ban leh eiei wat hadien shisnem ba la pynpaw ia ka jingsniew kaba mih na ka jingdon ki bar jylla kiba sah beain ha quarter syiem.

Ula ong,lada ka ophis ka Hima Mylliem kam lah ban leh eiei halor ka jingsah beain ki mynder ri ka seng kan sa leit ban ujor sa ha ki bor ba kham shalor.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet