Shillong, kyllalyngkot 10: Ki 13 tylli ki seng bhalang ha ka jylla kila ong ba kin sdang ban khyra ia ki briew kiba na bar kiba wan sha kane ka jylla ha kano kano ka por lada ka sorkar kan dang pynslem ban pyntrei kam ia ka Meghalaya Resident Safty and Security Act ia kaba la pdiang da ka iing dorbar thawain jong ka jylla.
Haba kren ha ki nongthoh khubor mynta ka sngi u bah Sadon Blah nongialam jong ka HNYF bad u bah Lambokstarwell Marngar president jong ka KSU, kila ong ba lada ka sorkar ka dang pynslem ki 13 seng kim ban se ban leh khynra hi noh.
Na ka liang jong kine ki 13 seng kila leit ban wad jngtip ruh na ka political department ha kaba ia dei bad ka MRSS Act, na ka liang jong ki 13 seng kila bethah ba ka sorkar kan phah noh ia ka Act bad ki Rule sha baroh ki Deputy Commissioners jong ka jylla ba kin dup ioh ban pyntrei kam noh ia ka District Task Force Committee.
Haba jubab ia ki jingkylli, u bah marngar u la ong ba kane ka kam kam dei kaba thymmai hynrei ka dei kaba la iaid sha khmat ka sorkar ka lah ban pyntrei kam kam don jingpher lada ka don ne kam don ka election. Na ka liang jong ki seng bhalang ki dawa na ka sorkar ba ka dei ban pyntrei kam noh ia ka ain kaba kila dep ban shna.
