Shillong, Naitung 17: Ka elekshon ban jied ia president ba 16th jong ka Ri India kan long la shai ka sngi ha ka Ri baroh kawei ha kaba ki MP bad ki MLA kin thep ia ka vote jong ki hala ka jong ka jong ka jylla bad ki MP ki thep ha parliament.
Ha Meghalaya ki 60 ngut ki MLA kin thep ia ka vote jong ki la shai ka sngi ha iing dorbar thawain ka jylla ha Rilbong bad ka por tep vote kan long naduh 10 baje mynstep haduh 3 baje noh phai sngi bad la khimih lynti ba baroh ki MLA kin thep ia ka vote jong ki.
Na ka liang jong ka ophis jong ka Meghalaya Legislative Assembly kala pynbit pynbiang ia ki jingdon kam baroh na ka bynta ka election ban jied president la shai ka sngi hapoh ka jingpeit jong ka tnad elekshon jong ka Election Commission jong ka Ri India.
Na duh ba wan poi ka synduk thep vote na Delhi sha ka jylla la buh bha ia ka hapoh ka kamra kaba kyrpang jong ka Assembly bad la ap phara da ki bor pulit ban peit ba kannym don kano kano ka jingthut haduh ban da sei ia ka la shai ka sngi.
