Shillong, Risaw 10: U bah Prestone Tynsong u nongialam jong ka seng NPP u la ong ba ki don ki ain lada shah byrngem balei uta u ophisar um ujor da ka FIR sha ki pulit. Ka ain ka don mano mano yn nym lah ban leh donbor.
Na ka liang jong ka sorkar kan nym lah ban leh ei ei lymda don ba ai da ka jingthoh, haduh mynta kam pat don kano kano ka jingujor kaban wan sha ka sorkar, ia kane u la iohi mynta ka sngi ha ki lad pathai khubor ba la kren da u nongai ktien ka seng Congres u bah Himalaya Shangpliang.
Halor ka jingkynnoh jong u nongai ktien ka seng Congress, u Bah Prestone u la ong ba ka jingleit jingwan jong ki IAS ophisar ka service rule ia ki ka shah kane ka dei kaba juh leh ha baroh kawei ka ri ia kaba la tip kum ka deputation.
Haka juh ka por u la buh ka jingkylli ia u nongai ktien ka seng congress ba u dei ban jer kyrteng ia kita ki ophisar naduh ba kane ka sorkar ka shimti bad ha ka juh ka por ka sorkar ba la leit u dei ban jer kyrteng haduh u bnai Rymphang 2018 katno ngut ki IAS ophisar ki leit na kane ka jylla.
