The Union Minister for Women & Child Development, Smt. Smriti Irani addressing at the inauguration of the Zonal Conference with States/ UTs and Stakeholders, in Guwahati on April 10, 2022
Shillong, Iaiong 10: Ka Myntri Sorkar Pdeng kaba dei khmih ia ka tnat Women and Child Development, ka Smriti Irani ka la pyniaid ia ka Zonal Conference jong ki Sorkar jylla bad kiwei kiwei kiba iadon bynta na ka thain shatei lam mihngi ha Guwahati mynta ka sngi. Kito kiba la iashim bynta ki dei na Assam, Arunachal Pradesh, Manipur, Tripura, Mizoram, Meghalaya, Sikkim bad Nagaland.
Ha ka jingkren jong ka, ka Myntri ka la batai shaphang ka PoshanAbhiyan bad kiwei kiwei ki sienjam jong ka tnat. Ka la ong ba baroh ki Anganwadi bad ki one stop centre ha kylleng ka thain shatei lam mihngi kin ioh jingiarap ban pynthikna ia ka jingpynbeit mar mar ia ki jingeh ia kaba yn peit bniah lyngba ki sienjam kiba stet jong ka Sorkar Pdeng.
Ka la ong ba ka jingkyntiew ia ka jingioh ki longkmie bad ki khynnah ia ka bam kaba tei ka la kylla sha ka Jan Andolan mynta. Ka la iarohia ki sienjam jong kito kiba iadon bynta ha kane ka kam bad ka Myntri ka la ong ba ka jingpynbeit ia ki jingeh kiba iadei bad ka jingioh ki longkmie bad ki khynnah ia ka bam kaba tei ka la urlong namar ka jingiatreilang bad ka jingkyrshan jong kine ki briew bad ki kynhun.
Ha ka jingkren shaphang ki One-stop centre, ka la ong ba ki one stop crisis centre ki la iohi ia ka jingiatreilang ha kaba ki tnat bapher bapher jong ka Sorkar ban pynthikna ba ki pulit, ki nongiasyllok, ki nongiasaid ain bad kiwei kiwei ki iatrei lang ha kawei ka jaka.
Ha ka jingiatreilang bad ki helpline kyrpang na ka bynta ki longkmie na kylleng ka ri ha kine ki 3 snem ba la dep, 70 lak ngut ki longkmie ki la ioh jingkyrshan na ka sorkar Pdeng bad ki Sorkar jylla, ka la ong. Ka myntri ka la ong ruh ba yn sa plié sa 300 tylli kum kine ki centre.
Ha ka jingkren shaphang kiwei kiwei ki sienjam jong ka Sorkar, ka Irani ka la ong ba ki don kumba 25 klur ngut ki longkmie kiba ioh jingmyntoi na ka Jan-DhanYojana kiba la ioh mynta ia la ki jong ki account ha ki bank. 68% kito kiba ioh jingmyntoi na ka Mudra Yojana ki dei ki longkmie bad 80% jong ki nongioh jingmyntoi na ka Stand-Up India ki dei ki longkmie, la ong ka Irani.
U Myntri Khynnah ka tnat Women bad Child Development, u Dr.MunjparaMahendrabhaiKalubhai u la kren shaphang ki lai tylli ki skhim ka tnat Women and Child Development Missionkiba long ka POSHAN, ka Mission Shakti bad ka Mission Vatsalya.
Ha ka jingkren shaphang kine ki Zonal conference ba pynlong ha ki jylla bapher bapher jong ka ri, u la ong ba kane ka Sorkar ka peit bniah ia ka jingpynkupbor ia ki longkmie lyngba ki skhim bad ba ka thong jong kine ki Zonal Conference ka dei ban pyntip ia ki Sorkar jylla, ki bor pyniaid ia ki UT shaphang kine ki lai tylli ki skhim jong ka tnat khnang ban plié lad ia ka jingpyntreikam ia kine ha kine ki 5 snem.
Ka myntri kam pla tyngka bad Social Welfare jong ka Sorkar Assam, ka Ajanta Neog kaba la iadonlang ha kane ka jingialang ka la kren shaphang ki sienjam jong ka Sorkar Assam na ka bynta ka bha ka miat jong ki khynnah bad ki longkmie. Ka Sorkar Assam ka kut jingmut na ka bynta ka jingbha kaba pura jong ki longkmie bad ki khynnah ha ka jylla, ka la ong.
Ka jingpynkupbor bad ka jingiada ia ki khynnah bad ki longkmie kiba don ka bynta kaba 67.7% jong u paid ha India bad ka jingpynthikna ia ka bha ka miat jong ki ha ka jinglong jingman kaba shngain ka long kaba donkam na ka bynta ka roi ka par jong ka ri bad ban pynurlong ia ki jingpynkylla kiba iadei bad ka ioh ka kot bad ka imlang sahlang.
Ban pynurlong ia kane ka thong, ka kynhun myntri jong ka Sorkar Pdeng kaba ialam da u Myntri Rangbah duh, u Narendra Modi dang shen ka la Mynjur ia lai tylli ki skhim kiba donkam jong ka tnat ban pyntreikam ha ka rukom treikam mission mode kiba long ka Mission Poshan 2.0, ka Mission Shakti bad ka Mission Vatsalya.
Ia kine ki mission yn pyntreikam ha ka samoi jong ka 15th Finance Commission naduh ka 2021-22 haduh ka 2025-26. Kine ki skhim ki dei kiba bei tyngka ka Sorkar Pdeng bad ba pyntreikam da ki Sorkar jylla / bor pyniaid ia ki UT ha ka rukom iasam ia ka jinglut jingsepkatkum ki kyndon. Ia ki kyndon jong kine ki skhim dang iasam bad ki Jylla, UT.
Ka thong jong ka tnat Women and Child Development ka dei ban pyndap ia ka jaka ba suda ha ki kam jong ki jylla na ka bynta ki khynnah bad ki longkmie bad ban kyntiew ia ka jingiatreilang ki tnat Sorkar bad kiwei kiwei ki kynhun ban wanrah ia ka jingryntih ha ki ain kiba iadei bad ki longkmie bad ki khynnah.
ki polisi bad ki prokram ban wanrah ia ka jinglong jingman na ka bynta ki longkmie bad ki khynnah kaba plié lad, kaba jemdor, kaba shngain bad kaba lait na kanokano ka jingibein ne ka jingthombor. Ha kaba iadei bad kane, la thmu ban pynurlongia ki thong jong ka tnat lyngba ka jingiatreilang bad ki Sorkar jylla bad ki bor pyniaid UT kiba pyntrei ia kine ki skhim.
