Ki ar ngut ki MLA ka NCP kim shym leh ei ei ha kine ki san snem:Praful Patel

WP_20180116_13_21_33_ProShillong, Kyllalyngkot 16: U nongialam jong ka NCP u Praful Patel u la ong ba ki ar ngut ki MLA jong ka NCP ha kane ka jylla Meghalaya ha kine ki san snem kim shym la leh ei ei na ka bynta ka jylla, ka konstitwensi kaba ki mih khmat bad kum juh ia ka party.

Haba jubab ia ka jingkylli ba ka NCP ba ka ia treilang bad ka seng Congress, u Patel u la ong ba kam shym don kata ka jingiatreilang bad ka seng Congress ha kane ka jylla hynrei ki ar ngut ki MLA jong ka party ki shu sah bad ka sorkar. Ka sorkar Congress ha Meghalaya kam shym la niew burom ia ka NCP ha kine ki san snem.

U patel u la ong ba kane ka sorkar Congress kaba la ialam da u Dr Mukul kam shym la leh ei ei na ka bynta ka jylla khamtam ia u pud u sam ia u ba ym pat lah ban pynbeit, ka jingeh jong ki khynnah skul bad bun kiwei kiwei ki kam kiba ka jylla ka dang sah dien ha kiba bun ki liang.

Haba jubab ia ka jingkylli ha kaba ia dei bad ka jingiarung ia mih jong ki nongialam seng sain pyrthei shuwa ka Election u Patel u la ong ba ha kine ki 20 snem kiba la leit noh namar bun ki sorkar khleh khawlang, ka jingiamih bad ia rung ki MLA na kawei ka party sha kawei pat ka long kaba shisha bad kane ka jia.

What Next?

Recent Articles

Leave a Reply

Submit Comment
*