Shillong, Jymmang 03: Haba ia dei bad ka “Common University Entrance Test” u myntri rangbah ka jylla u la pynshai, haba u ia kynduh ia u myntri ka tnad pule puthi jong ka sorkar pdeng u Dharmendra Pradhan ka sngi Nyngkong la pynsngew ha u ba kane ka eksam ka long ba hap ban leh na ka bynta baroh kito ki kolej kiba la pyniasoh bad ki skul bah jong ka sorkar pdeng.
U Myntri Rangbah u la ong kumba ka long mynta ki don ki kolej kiba jngai palat ia ka 200 km na NEHU kito ki samla pule kim juh phoh sniew ruh ban leit sha NEHU, ki kwah ba kin don ha ka Kolej kaba ki pule, ka jingkylli ka long balei kito ki samla pule ki hap ban leit thoh ia kane ka CUET Eksam.
Ha ka jingiakynduh u myntri ka sokar pdeng u la ong ba baroh ki Kolej kiba pyniaid da ki riew shimet ne kiba bei pisa da ki sorkar jylla, ne kiba ka sorkar ka ai kano kano ka jingiarap pisa ia kito ki Kolej, kito ki samla pule kiba thmu ban pule ha kito ki juh ki kolej kim don kam ban thoh ia ka CUET eksam.
U Myntri ka sorkar pdeng u la ong ba na ka bynta kito kiba thmu ban leit ban pule sha ki skul bah jong ka sorkar pdeng, ne sha ki Kolej ba pyniaid ki skul bah jong ka sorkar pdeng ki hap ban thoh ia kane ka CUET eksamination, kum ka skul bah NEHU ka don ia ka Agriculture College, Law College kiba kwah pule ha kine ki hap ba thoh ia ka CUET eksamin.
U Myntri Rangbah u la ong ba kiwei pat ki Kolej kiba pyniasoh bad ka NEHU la ki dei jong ka sorkar jylla, ne jong ki riew shimet kito ki samla pule ba pule ha kum kine ki Kolej kim don kam ban thoh ia kane ka Eksamin. Kumba ka long mynta kumba 90% na ki samla pule kim don kam ban thohia kane ka eksamin.
Kumba ka long mynta kane kam long wat ha ki snem ban wan ruh kumba ka long ka sorkar pdeng kam shym buh por ha kaba ia dei bad kane ka bynta, kiba hap ban thoh ia ka eksam kan long tang na ka bynta kito kiba kwah ban leit pule sha ki kolej kiba pyniaid da NEHU kiwei kim don kam ban thoh ia kane ka eksam.
