Ki bar jylla bym don ia ka work permit kim dei ban leit trei sha SWKH District: KSU

Shillong, Rymphang 15: Ka KSU South West Khasi Hills District kala ban jur  ia baroh ki kontractor ne ki nongaikam kiba wanrah nongtrei na shabar jylla khlem da don iaka Work Permit ban trei hapoh ka jylla Meghalaya.

Ka KSU ka kren ia kane ha hadien ba kala lap ha kiba bun ki jingkhynra jong ka ba ki don ki nongtrei ba la wan trei hapoh ka jaka bad ka district jong khlem da don iaki kot ki sla kiba biang ba ki wan naei bad ki mih naei.

Ka Seng ka maham jur namar kata ba namar ka don ka jinglehsting jong ki briew sorkar bad Labour Inspectors ban pynthikna ne jurip iaki kot ki sla jong kine ki briew kumta ka la dei ka bynta jongki dkhot ka seng ban jurip bad ban beh krad lada ki lap ba kim don iaki kot ki sla kiba biang nangne shakhmat.

Ka seng naka por sha ka por ka ju iai kren halor kane ka mat shaka sorkar bad ngi kwah namar kata ba ki Labour Inspectors ba la dep thung hapoh Mawkyrwat Block, Mawsynram Block bad Ranikor Block ba ki dei ban pyndep hok iala ka bynta ba ki dei ban trei dep lem kumta kam don jingmut hi iaki labour inspectors ban shu don haka post jongki khlem da lah ban pyndep iala ka Kamram.

Ka Seng ka dawa ruh iaka District Level Team ba la khlieh da ki Deputy Commissioners bad ki Labour Inspectors ba ki dei ban jurip man ka por khamtam haki jaka khappud kum ha Ryngku, Hat Mawdon, Borsora, Nongjri bad kiwei kiwei khnang ba kan nym don ka jingwanrung tuh kaba suki suki kin sa kylla long pynban ki trai shnong da kaba ki iohlad ban rung haka electoral roll.

Ka Seng ka kyntu ruh iaki contractors ba lait noh haki kam bym lah kiar ka dei ban thep ne aikam iaki trai ri trai muluk ym ban Shu khot ia kiba nabar. Ngi kyntu ruh iaki nongialam shnong ba ki dei ban long kiba phikir bad ki dei ban pyntreikam bha iaki ain shnong ha kaban teh pyrkhing iaka rung ka mih kiba na bar jylla khnang ba kan nym buh jingma iaka pateng ban wan bad iaka ri ka jaitbynriew hi baroh kawei .

Ka KSU kyntu ruh iaki bor pulit ba Kim dei ban pynbunkam ialade da kaba pharep ne ban pyndik iaki dkhot ka Seng naki units bapher bapher hynrei ba ki dei ban pyndep iaka kamram ba ki dei ban leh lyngba ka Infiltration Branch jong ki ha ka ban peit bniah iaka rung ka mih jong ki barri bad ki briew bym dei trai ri trai muluk, ong u samla Dusterwell K.Lyngdoh ,Organising Secretary KSU South West Khasi Hills District ha ka kyrwoh kaba la phah mynta ka sngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet