Shillong, Nohprah 27: Ka elekshon MLA sha ka iing dorbar thawain ka jylla kan long ha u Rymphang 2023, na ka liang jong ki briew ka Election Commission ka Ri India (ECI) kiba dei peit ia ka jingpynlut pynsep ha ka elelction kila don ban wan sha Shillong.
U Chief Electoral Officer ka jylla Meghalaya u bah FR Kharkongor la iathuh ba ki briew jong ka ECI kiba dei peit ia ka jingpynlut pynsep ha ka elekshon kila dep ban wan sha kane ka jylla ha ka 15 bad 15 tarik mynta u bnai Nohprah 2022.
La iathuh ba ki briew jong ka ECI kin dang wan shush shuh sha ka jylla kum ka jingpynkhreh ia ka elekshon MLA sha ka iing dorbar thawain ka jylla ban long ha u snem 2023 kaba dang sah mynta sa tang ar bnai.
Lah ban pynkynmaw ba na ka liang jong ka ophis jong u CEO ka jylla Meghalaya la dep ban khot ia ka jingialang jong baroh ki seng sain pyrthei ha kane ka jylla na ka bynta ban pan ia ka jingiatreilang ha ka elelshon ban wan.
