Shillong, Jymmang 24: Ha dien ba ka sorkar kala phah wat jingtip ia ki briew jong ka jylla Meghalaya kiba sah sha bar jong ka Ri India katno ngut kiba kwah ban wan phai sha la ka jong ka Ri bad ka jylla, ka sorkar Meghalaya kala ioh jingkhein ba ki don 27 ngut kiba la pyntip ba kin wan phai iing.
U bah Prestone Tynsong symbut myntri rangbah ka jylla haba pyntip sha ki lat pathai khubor u la iathuh ba ha dien ba la wat jingtip ia ki briew jong ka jylla kiba don sha bar jong ka Ri India kiba kwah ban wan phai iing la ioh jingkhein ba ki don 27 ngut baroh na ki Ri bapher bapher jong ka pyrthei.
U symbut myntri rangbah ka jylla u la iathuh ba kine kiba don sha bar jong ka Ri India kin hap ban but ia ki kyndon bala buh da ka tnad ka koit ka khiah jong ka sorkar pdeng, kine ki hap hapoh jong ka sorkar jylla.
Lah ban pynkynmaw ba ha kine ki khyndait sngi na ka liang jong u Symbut myntri rangbah ka jylla, u la ong ba lada ki don ki briew jong ka jylla kiba sah kut sha bar jong ka Ri India kin hap ban pyntip sha ki Indian Embassy kiba don ha kato ka Ri.
