Ki briew kiba ialam ia ki seng lehnoh kila wan phai sha ka lynti kaba dei: Tatagatha

SThe Get Together of harmony organised by the CPC.hillong, Risaw 13: ka jingiakynduh lang jong baroh ki jaitniam kiba don ha kane ka nongbah Shillong shuwa ka jingleh niam puja kala long mynta ka sngi ha Shillong ha kaba ki nongialam niam bad kum juh ki nongialam seng sain pyrthei kila ia don lang ha kane ka sngi ba rakhe lang shuwa ka pule ia kaba la khot da ka Central Puja Committee.

Haba kren ha kane ka jingiakynduh lang u Lat jong ka jylla u Tatagatha Roy u la ong ba ha kane ka Ri India kila don bun ki seng lehnoh bad katto katne ha kane ka dong shatei lam mih ngi jong ka Ri India, hynrei kane ka jingialeh jong ki kam shym la poi shaei shaei namar ka jingdon jong ki shipai lah lah ban pynjai jai, ka jingbym lah ka jong ki ka long ba kim ioh ia ka jingkyrshan jong ki paidbah.

U lat jong ka jylla u la ong ba wat kito ki nongialam ia ki kynhun seng lehnoh ruh kila wan phai biang ha ka lynti kaba dei, kane kala pynlong ba ki ba bun ki paidbah nongshong shnong jong kane ka Ri ka long ba ki kwah ban ia im lang kawei bad kumba ka long mynta la 70 snem kum ka Ri ka ia tylli kawei bad ia kane la iohi ha kine ki por kiba la leit noh.

Kane ka jingialeh laitluid la iohi ba kala urlong hapoh ka Ri Pakistan bad kane kala kdew shai na ka jinglah ban phiah ia ka Pakistan bad ka Bangladesh, kane ka jingjop jong ki kynhun kala long ruh ha kiwei ki ri jong ka pyrthei. U la ong ba ia kaei kaba la jia ha u snem 1979 bad ha u snem 1992 baroh la ia klet noh. Hynrei kaei kaba don kam mynta ka long ba hap ban hikai kumno ban ia imlang kawei.

Ha ka jingkren jong u nongialam ka liang pyrshah u Dr Mukul Sangma u la ban jur ia kawei ka thong ban wanrah ia ka jingia im suk im sain kawei, u la kyntu ia baroh ki nongialam ban ia trei lang kawei ban tei ia la lawei jong ka jylla Meghalaya.

Mynta u snem ki jaka lehniam puja ki don 232 tylli ha ka jylla baroh kawei, ha Khasi hills ki don 112 tylli, Jaintia Hills 11 tylli, Garo Hills 109 tylli hapoh kane ka nongbah Shillong pat ki don 64 tylli. Ka CPC kan pynlong ia ka jingpynkhuid ia ka jaka bret blei ha Polo ar sngi lynter ha ka 14 bad 15 tarik mynta u bnai bad ha ka 20 bad 21 tarik ha dien ka jingbret blei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet