Shillong, Naiwieng 22: Ka jingkem ki Pulit iaki arngut ki dkhot ka Art Of Living ka long ka jingkem kaba beaiń, kaei kaba kine ki briew ki leh ka dei ka kam ka ba bha hynrei ki pulit pat ki ialeh ban pyndik man ba ka seng ka kwah ban wan noh sha ka jingiakren.
Ki briew kiba shah kem kim dei ki briew ka HNLC hynrei ki dei ki briew ka sorkar kmie na Delhi kiba la ioh bor ban wan ia kynduh ia ki Nongialam ka seng HNLC na bynta ban pyntyllun shakhmat iaka jingia kren iasuk.
Dei ka Sorkar Congress na Delhi ka bym shimkhia wat haba ka HNLC ka lah plie lad ban ia kren iasuk naduh u snem 2004. Dei ka sorkar Congress na Meghalaya hapoh ka jingialam u Mukul Sangma kaba tyrwa bad kyntait hi pat hadien ban iakren bad ka Seng ha u snem 2014.
Lada ia ki dkhot ka Art of Living lah kem tang namar ba kim iohbor na ka sorkar jylla ban ia kynduh ia ki Nongialam ka HNLC te balei baroh shi katta ki Pulit kim nud ban kem ia ka Kong Roshan Warjri kaba iakren phone bad u General Secretary ka Seng ha kato ka por khlem ka jingtip ka Sorkar Jylla.
Wat hadien ba ka seng kala dep thad madan iaki mobile numbers jong ka ha ki lad pathai khubor,Hynrei kaba sngew thamula ka long ba ka Sorkar MUA II ka dang phah briew pat ia lade ha u bnai Jymmang ban pan jingiarap naka HNLC na bynta ka Elekshon 2018, kumjuh ruh ka weng syndet ia ka Kong Roshan na ka shuki Home Minister katba iaka Ampareen,Deborah kiba lah don daksaw kam lah ban leh eiei haduh mynta la kynnoh ka seng HNLC.
Haba ka Sorkar Congress kaba synshar ha Delhi bad Meghalaya kam lah ban leh eiei dala de naduh u snem 2004 kum shi bynta ban weng ia ki jingeh haka sain hima sima kiba ktah iaka shongsuk shongsain te kaei ka jingeh jong ka la da ka Sorkar BJP bad ka Art of Living ki ialeh shitom ban wanrah iaka Jingsuk ha Meghalaya?.
Ka Seng ka pynpaw iaka jingsngewnguh halor ka jingshim khia ka Sorkar BJP khamtam eh ka ‘Art of Living’ na ka bynta ka jingkloi jong ki ban rah ia ka HNLC sha ka miej ka jingiakren, ong u Bah Sainkupar Nongtraw Publicity Secretary jong ka seng HNLC.
