Ki District Council ki dei ban hukum ba ki kynhun kim dei ban khynra trading laisen: James

Shillong, Naiwieng 13: U myntri rangbah ka jylla u Cornad K Sangma u la khot ia ka jingialang jong baroh lai tylli ki District Council ban ia kren halor ka jingpynkylla ia ka Sixth Schedule, halor ka Meghalaya Residents Safety and Security Act 2016 bad halor ka jingkhynra Trading Laisen bad Labour Laisen da ki kynhun.

U Myntri ba dei peit ia ki kam District Council jong ka sorkar jylla u James K Sangma, haba kren ha ki lad pathai khubor ha dien ka jingialang u la ong ba u myntri rangbah jong ka jylla u la pyniaid ia ka jingialang ha kaba ki CEM  jong ka JHADC bad KHADC kila ia don lang katba na Garo Hills la wan mih khmat da u Executive Members. Kane ka jingialang la khot namar ki don ki bynta kiba ia dei bad ki District Council.

Ha kane ka jingiakynduh la ia batai sha ki District Council ha kaba ia dei bad ka jingkwah ka sorkar pdeng ban pynkylla ia ka Sixth Schedule la batai sha ki District Council ba kane mynta ka don bad ka Parliamentary Standing Committee bad la pynsngew ba la da ki dang don ei ei ban ai jingmut, hynrei kumba ka long ki District Council bad ka sorkar jylla ki la pynpaw ia ka jinglong kawei.

Ha kane ka jingiakynduh la ia kren ruh ha kaba ia dei bad ka Meghalaya Residents Safety and Security Act 2016 kumba la rai da ka kabinet bad lada ki don ei ei ioh leh ki don ka jingsngew halor ka jingeh lada don ia ka don kano kano ka jingwit ha kaba ia dei bad ka jingwan jong ki nongwan jngohkai pyrthei. Na ka liang jong ka sorkar kala pynshai ba kane kan nym ktah ia ki briew.

Kawei pat kaba kila ia kren ha kane ka sngi, halor ki kaiphot kiba la poi sha ka sorkar ba ki don ki kynhun kiba leit kylleng kylleng ban jurip ia ki Labour Laisen, haba ia dei bad kane la bethah ia ki District Council ba kum kine ki jingleh dei ban sangeh syndon bad lada don dei ban leh da ki briew jong ki District Council.

La bethah ia ki District ba ki dei ban pynmih ia ka hukum ban khang pyrshah ia kane ka jingleh bad ki dei ban pynmih kloi ia kane ka hukum ki ban jurip ha kaba ia dei bad ki labour laisen dei ban leh da ki birew jong ka District Council ki riew shimet ne ki seng kam dei ban leh ia kane.

Haba jubab ia ki jingkylli ha kaba ia dei bad ka jingkyrduh pisa ki District Council, na ka liang jong u myntri ba dei peit u James K Sangma u la ong ba kane ka jingeh kam dei kaba mynta, kawei na ki daw ka jingbun palat ki nongtrei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet