Shillong, Iaiong 26: Ia ka Public Health Center (PHC) kaba don hapoh jong ka South West Khasi Hills District la plie naduh ki snem 2002 hynrei haduh kine ki sngi ki doctor kim treh ban leit trei shatei ka jaka wad ki nos ruh kum.
U John D Sangma General Secretary jong ka All Khasi Hills A’Chik Federation (AKHAF) u la ong ba ka jingbym treh jong ki doctor bad ki nos ban leit trei sha katei ka PHC ka dei na ka jingbym shong shngian jong ka jaka wat la ia kane ka PHC la plie ha u snem 2002.
Na ka liang jong ka seng ka dawa na ka sorkar ba ka dei ban buh ar tylli ki Police out post kawei ka Bagli bad kawei ha Khonjoy na ka bynta ban pynlong ia katei ka jaka kaba shngain khnang ba ki doctor kin leit ban trei sha katei ka PHC.
Ban pynkynmaw ba ha ka por jong ka sorkar u Dr Mukul Sangma la plie ia ka Police Station ha Nonghyllam da ka jingthmu ban wanrah ia ka jingsngew shngian jong ki paidbah ha katei ka thain kaba dang sah dien bha bad ka sorkar ruh ka tip ba kane ka thain kam dei kaba shong shngian.
