Shillong,Iaiong 11: Ki pulit jong ka Ri Bhoi District kila trei shitom ym tang ban pahara, hynrei ban peit ruh ia ka jingbit jingbiang jong ki draibar trok kiba khlem ioh leit phai sha ki la shnong namar kala wan lap kane ka jingpakhang.
Katkum ki jingtip kiba la lah ban iohi la sngewthuh ba baroh kiba la shah kut ki don 29 ngut, na kine kiba bun ki dei na ka jylla Assam bad ki don ruh kiba na Garo Hills. Na ka liang jong ki pulit ki pynbiang ka bam ka dih na ka bynta jong ki.
Ka jingsah kut jong ki draibar ha Byrnihat ba kim ioh shuh ban mih namar kala lapnoh ka jingpakhang shnong. Ki Pulit jong ka Ri Bhoi kila trei shitom ban iada na kane ka jingpang COVID-19 da kaba pynshai sha ki paidbah katkum ka jingbthah jong ka sorkar.
Kine ki draibar trok kila sah kut ha Byrnihat naduh ba ka sdang ka jingpakhang shong. Ki pulit jong ka Ri Bhoi man ka sngi ki la leit ban sam bam ia kaba la ialam da u A. Sangma. Ia kine la pynshah ha CTI Camp kaba la buh kyrpang da ka sorkar hapoh Ri Bhoi District.
