Shillong, Iaiong 25: U Myntri Rangbah ka jylla u Conrad K Sangma mynta ka sngi u la pyntip ba haduh mynta ka sngi la phah ban test haduh 1196 tylli bad na kine kiba la long Negetive ki long 1097 bad kiba dang ap ban ioh iaka rislot ki long 60 tylli.
Kiba shitom ki dang neh ki juh 11 ngut, kiba la don ha ki jaka sumar kiba la buh kyrpang sa ka sorkar mynta ka sngi kila don 303 ngut baroh (Institutional Quarantine). Kiba don ha iing ban leh ia ka home quarantine ki long 5,878 ngut.
Ka sorkar kala bthah ia baroh kito kiba leh ia ka home quarantine ba kin shong ha iing haduh 14 sngi bad lada don kano kano ka jingsngewpher kin pyntip wut wut sha sha kiba dei ban pyntip. Ka sorkar peit bniah bha ia baroh kito kiba don ha ka home quarantine.
Na ka liang jong ka sorkar kala bthah ia baroh ki paidbah ba kin bud ryntih ia baroh ki jingbthah kiba ka tnad ka koit ka khiah kala bthah namar kane ka jingdon kane ka jingpang COVID-19.
