Ki don  805 ngut ki briew  kiba khlem siew ia ka khajna sha ka sorkar kala kot T.152.92 klur  

Shillong, Naitung 09: U Myntri Ranbah ka jylla u Conrad K Sangma u la iathuh ba ka jingialang jong ka Kabinet la shim ia ka rai ban wanrah ia ka jingpynbna sorkar ia kaba la tip kum ka Meghalaya Settlement Arrears Ordinance 2020 , ka jingthmu jong kane ka long ban plie lat ia kito ki 805 ngut kiba khlem siew ia ka khajna sha ka sorkar mynta la bun bun snem.

Katum kane ka Ordinance ka long ba lada kito kiba khlem siew ia ka khajna jong ki mynta la bun snem lada ki wan ban ia pynbeit kin ioh ia ka jingmap kaba 30% bad ka sorkar kan ai por 6 bnai na ka bynta jong ki bad lada kim wan sha khmat ka sorkar kam ban se ban ujor da ka ejahar pyrshah ia ki.

Laithuh ba haduh mynta baroh ka pisa kaba ki briew ki khlem siew sha ka sorkar kum ka khajna kala kot sha sha ka T.152.92   klur tyngka. Kine ki khajan kiba khlem siew ka long ha ka VAT, CST, Meghalaya Luxury Taxation, Meghalaya Sale Tax kine ki khajan kiba dei ban siew ka long shuwa ba kan wan ka GST, hynrei ia kitei baroh ka pynwan lang hapoh ka GST.

Kiwei ki rai kiba ka shim da ka kabinet  mynta ka sngi ki long  ban pynkylla ia ka kyndon trei kam jong ki nongtrei hapoh ka tnad Metrological department, ban pyntrei kam ia ka bhah kam kaba 40% ia kiba don jingduna ha ki dkhot.

Haba pynshai ia kane ka jingpyntrei kam ia ka bhah kam kaba 40% la ong ba ka kabinet kaba la shong mynta ka sngi kala rai ba man ka 25 tylli ki kam sorkar kiba lait ka wei kan leit sha kiba don ka jingduna ha ki dkhot met, ia ki kam ba lait yn kheinlang ban ioh ia kane ka jingkhein.

Haba ia dei bad kiba duh ei iala ka jingim na ka daw jong ka jingshah bat ha ka ding elektrik ka sorkar kala shim ia ka rai ban pynkiew noh ia kane ka jingsiew na ka T.1,00,000/- tyngka sha ka T.2.5 lak tyngka. Ka kabinet kala shim ia ka rai ban thung ia u Colonel M M Singh hapoh jong ka Sainik Board ha Tura.

Ban pynsted ia ka jingtrei kam ha kaba ia dei bad ka jingpynkhreh ia ka national games na ka bynta ki kam kontrak kiba T.50 klur sha neng la thaw ia ka committee kaba kyrpang ha kaba u Chief Secretary un long u Chairman bad u Secretary ka tnad PWD un long u secretary bad kiwei ki dkhot kin don lang kane ka long ban pynsted ha kaba pyniaid ia ka kam.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet