Ki don laiphew hynriew tylli ki kur ban ia shim bynta ha ka jingiakop kynjatbol

Shillong, Naiwieng 10: Ka kynhun ki khlieh nongsynshar jong ka Bri u Hynniewtrep kakhot ka wer ia baroh ki kur ki jaid ba kin ia shim bynta ha ka jingiakop kynjat bol kaban sdang la shai ka sngi ha Smit ha kaba yns a plie pyrda da u Syiem jong ka Hima Khyrim u Pa’im Dr Balajied Syiem.

Kane ka jingialehkai kynjat bol ha pdeng ki kur kala poi sha ka snem kaba lai mynta u snem. Baroh ki kur na kylleng ki ban ia shim bynta ha kane ka jingialeh kai mynta u snem ki don laiphew hynriew tylli. Ha kane ka sngi sdang u Bah Latiplang Kharkongor MDC ba dei peit ia ki kam hima unia dang lang ha kane ka sngi.

Ka jingthmu jong kane ka jingialehkai kynjat bol ka long ban wanrah ia ka jingiajan hapdeng kawei ka kur bad kawei pat, ha ka juh ka pork um ka kur ka dei ban don ruh ia la ka jong ka khana samri ia ka jingbun paid jong kata ka kur.

Kane ka jingthoh khana samri ia ka jingdon briew hapoh ka kur ka jaid ka long kaba don kam shisha namar dang shen la shem ba ka kur Lyngdoh Nongkseh kaba dei kawei na ki kur ban long myntri hapoh jong ka Hima Mylliem kala sdang ban duh jaid. Kawei pat ka kur kaba dei na ka jaidmyntri hapoh jong ka Hima Lyngniong kala duh jaid.

Kawei pat ka jingpynlong ia kane ka jingiakynduh lang jong ki kur ka long ban pynthikna ba kum ka kur ka jaid ka dei ban bat ia ka nongrim ha ka shong kha shnong man ban nym ia poi sha ka shong sang hapdeng shikur.

 

What Next?

Recent Articles

Leave a Reply

Submit Comment
*