Shillong, Nailur 04: Ka Deputy Commissioner jong ka East Khasi Hills District kala pyntip ba ka tnad ba dei peit ia ki kam jngohkai pyrthei ka sorkar Meghalaya kala buh ia ki kyndon na ka bynta ki kali kamai kiba dei ki Tourist Taxi ba kin sdang kamai naduh ka 6th Nailur 2021.
Ha kane ka jingpynbna ka DC kala ong ba kito ki kali kiba la register, All India Tourist Permit la shah ia ki ba kin iaid na kawei ka District sha ka kawei pat District jong ka jylla da kaba but ia ki kyndon kiba la buh.
Ki kali kiba register ha Meghalaya ki draibar ki dei ban leit pyntip sha ophis jong ki District Transport Office ba kin pyntip la kila dep ban ai Tika ne ki pat dep shuwa ba kin leit sha bar jong ka jylla.
Ki kali kiba la register ha kiwei ki jylla ki dei ban wah ha ki jaka bal ah ban iohi bha ia ka syrnot ba la dep ban ai Tika shuwa ba kin rung sha ka jylla Meghalaya bad ia ka Negative Test Report bad ia ki jingbit kiba la ai na ki bor bala ithuh da ka sorkar. Baroh ki kali bad ki nongwan jngohkai pyrthei kin but ia ki kyndon kiba la buh.
Ki kali ba kit ia ki nongwan jngohkai dei ban kit katkum ki kyndon kiba la hapoh jong ka Motor Vehicles Act, bad kiwei ki kyndon kiba la buh bad ia ka syrnot ba la ai Tika dei, ka jingdeng ar tylli ki jingda khmut lane ka N-95 ka long kaba don kam kane kan long wat ia kiba niah ia ki kali shimet.
Ha ki kali dei ban pyndon kam ia ki jingthet kti dei ban pynlait lyer bha ia ki kali paidbah bad ki kali jong ki riew shimet ruh, lada don kiba pynkhein ia kitei ki kyndon kin shah pynshitom katkum ka ka ain, kane ka long katkum ka hukum kaba la pynmih na ka DC jong ka East Khasi Hills District.
