Ki hima kiba ia kajia ki dei ban ujor sha u nongbishar, ym shuh ha u EM Elaka ha KHADC

Shillong, Rymphang 03: ka Executive Committee jong u bah Titosstarwell Chyne hapoh jong ka KHADC mynta ka sngi kala shim ia ka sienjam kaba tyngeh ha kaba ia dei bad ki kam hima sima hapoh jong ki Elaka lada ka don ka jingia kajia ha pdeng ki ar tylli ki hima.

U CEM jong ka KHADC u bah Titosstarwell Chyne haba kren ha ki lat pathai khubor ha dien ka jingialang jong ka EC, u la ong ba ha ka jingialang kaba la long mynta ka sngi la shim ia ka rai ba kin wanrah ia ka jingpynkylla ha kaba ia dei bad ka ain kaba dei bad ki kam Elaka.

Ki jingpynkylla ia ka “Khasi Hills Autonomous District Council (Administration of Elaka) Act 1991, ka long ba baroh shikatta lada ka don ka jingia kajia hapdeng ki ar tylli ki hima la hap ban ujor sha u EM ne Secretary ba dei peit ia ki kam Elaka, hynrei mynta ka EC ka kwah ba lada ka don ka jingia kajia hapdeng ki elaka ka dei ban leit sha u nongbishar jong ka KHADC.

Haba ia dei bad ka jingiakajia ha pdeng ki shnong ki thaw, ka EC la shim ia ka rai ban wanrah ia ka jingpynkylla ha kane ka ain ba lada ka don ka jingia kajia dei ban ujor sha 1st Magistrate jong ka KHADC, ym dei shuh sha u Deputy Secretary jong ka KHADC.

Ban pynkhlain shuh shuh ia ki ka iing bishar hapoh jong ka KHADC, ka EC mynta ka sngi kala shum ia ka rai ban thung noh sha wei pat u nongbishar, bala tip kum u Addtional Judge, nalor u ne u nongbishar ym thung ruh sa ar ngut ki Magistrate, namar ka KHADC ka kwah ban pyntrei kam pura ia ki iing bishar ka KHADC ha Nongstoin, Mawkyrwat bad Nongpoh.

Ha kane ka dorbar mang tyngka ka ban sdang ha ka 26 tarik mynta u bnai ha KHADC ka EC kala shim ia ka rai ban wanrah ia ka jingpynkylla ia ka Khasi Autonomous District Council (Management and Control of Markets) Rules, 1957 bad ka jingthmu jong kane ka long ba baroh ki iew dei ban ithuh da ka KHADC.

U CEM u la pyntip ruh ba ka KHADC ha u snem 2019 kala pass ia ka Khasi Hills Autonomous District (KHAD Solid Waste Management) Bill, 2019, hynrei kane ka bills kala wan phai biang bad mynta ka EC kan wanrah biang ia kane ka Bills hapoh iing dorbar ha kane ka sien shong dorbar mynta ka kynti.

What Next?

Recent Articles

Leave a Reply

Submit Comment

*